Anuvu Anuvuna velasina deva

 

అణువు అణువున వెలసిన దేవా
కనువెలుగై మము నడిపించరావా
అణువు అణువున వెలసిన దేవా

మనిషిని మనిషే కరిచే వేళ
ద్వేషం విషమై కురిసే వేళ
నిప్పులు మింగి నిజమును తెలిపి
చల్లని మమతల సుధలను చిలికి
అమరజీవులై వెలిగిన మూర్తుల

అమరజీవులై వెలిగిన మూర్తుల
అమృతగుణం మాకందించ రావా
అమృతగుణం మాకందించ రావా
అణువు అణువున వెలసిన దేవా

కనువెలుగై మము నడిపించ రావా
అణువు అణువున వెలసిన దేవా


జాతికి గ్రహణం పట్టిన వేళ
మాతృ భూమి మొరపెట్టిన వేళ
స్వరాజ్య సమరం సాగించి
స్వాతంత్ర వెలుగులు సాధించి
ధన్య చరితులై వెలిగిన మూర్తుల

ధన్య చరితులై వెలిగిన మూర్తుల
త్యాగ నిరతి మా కందించ రావా
త్యాగ నిరతి మా కందించ రావా

అణువు అణువున వెలసిన దేవా
కను వెలుగై మము నడిపించ రావా
అణువు అణువున వెలసిన దేవా

వ్యాధులు బాధలు ముసిరే వేళ
మృత్యువు కోరలు సాచే వేళ

గుండెకు బదులుగ గుండెను పొదిగీ
కొన ఊపిరులకు ఊపిరిలూదీ
జీవన దాతలై వెలిగిన మూర్తుల


జీవన దాతలై వెలిగిన మూర్తుల

సేవాగుణం మాకందించ రావా
సేవా గుణం మాకందించ రావా
అణువు అణువున వెలసిన దేవా

కనువెలుగై మము నడిపించరావా
అణువు అణువున వెలసిన దేవా