Aadavaalla Kopamlo

ఆడవాళ్ల కోపంలో అందమున్నది

అహ అందులోనే అంతులేని అర్ధమున్నది/అర్ధమున్నది/

మొదటిరోజు కోపం  అదో రకం శాపం

పోను పోను కలుగుతుంది భలే విరహ తాపం

బ్రహ్మచారి లేత మనసు పైకి తేలదు

తన మాటలందు చేతలందు పొత్తు కుదరదు/పొత్తుకుదరదు

పడుచువాడి మిడిసిపాటు పైన పటారం

ఒక గడుసుపిల్ల తగలగానే లోన లోటారం /2/

వగలాడి తీపి తిట్టు

తొలివలపు తేనె పట్టు

ఆ తేనె కోరి చెంత చేర చెడమడ తిట్టు /బ్రహ్మచారి/

పెళ్ళికాని వయసులోని పెంకి పిల్లలు 

తమ కళ్ళతోనే  మంతనాలు చేయుచుందురు

వేడుకొన్న రోషం అది పైకి పగటి వేషం

వెంట పడితే వీపు విమానం /ఆడవాళ్ళ/

చిలిపి కన్నె హృదయమెంతో చిత్రమైనది

అది చిక్కుపెట్టు క్రాస్ వర్డ్ పజిల్ వంటిది /2/

ఆ పజిల్ పూర్తి చేయి

తగు ఫలితముండునోయి

మరుపురాని మధురమైన ప్రైజ్ దొరుకునోయి / ఆడవాళ్ళ/

బ్రహ్మచారి లేత మనసు పైకి తేలదు

తన మాటలందు చేతలందు పొత్తు కుదరదు.